«qishloq xo‘jaligi» tegli maqolalar
YI O‘zbekistonda qishloq xo‘jaligini rivojlantirish uchun 6 mln yevro ajratdi
Yevropa Ittifoqi O‘zbekistonga Oziq-ovqat xavfsizligi va sog‘lom ovqatlanish bo‘yicha milliy strategiyani amalga oshirish uchun 6 mln yevro miqdorida grant ajratdi. Joriy va kelgusi yilda bu maqsadga jami 20 mln yevro yo‘naltiriladi.
“Inflyatsiyani jilovlash va valyuta barqarorligini ta’minlash eksport bilan chambarchas bog‘liq” — prezident
Prezident yana bir bor eksport muhimligini ta’kidladi. “Bir haqiqatni aniq tushunib olish zarur. Inflyatsiyani jilovlash va valyuta barqarorligini ta’minlash eksport bilan chambarchas bog‘liq. Qanchalik ko‘p mahsulot ishlab chiqarmaylik, eksport uchun kerakli shart-sharoitni yaratmasak, o‘zgarish bo‘lmaydi”, — dedi u.
“Eksportchilarga to‘g‘ri, tartibli va chiroyli qadoqlashni o‘rgatish kerak” — prezident
Prezident O‘simliklar karantini va himoyasi agentligida bo‘lib, qishloq xo‘jaligi mahsulotlari eksportini 3,5 mlrd dollarga yetkazish rejalari bilan tanishdi. Shavkat Mirziyoyev meva-sabzavot mahsulotlarini to‘g‘ri qadoqlash, eksportga yetkazib berishda klaster tizimini yaratish muhimligini ta’kidladi.
Ispan kompaniyasi O‘zbekistonda suvni tejaydigan texnologiyalarni joriy etishi mumkin
Madriddagi O‘zbekiston elchixonasida Ispaniyaning BioGreen Road kompaniyasi vakillari bilan qishloq xo‘jaligida suv resurslarini boshqarish sohasida hamkorlikni yo‘lga qo‘yish masalalari muhokama qilindi. Kompaniya suvni gelga makromolekulyar aylantirish texnologiyasi taqdimotini o‘tkazdi.
Paxta sanoatida ishlab chiqarish tannarxini 15 foizga qisqartirish rejalashtirilmoqda
Prezident Andijon viloyatiga tashrifi chog‘ida Asakadagi to‘qimachilik korxonasida bo‘ldi. U yerda viloyat misolida paxta-to‘qimachilik sanoatini rivojlantirish konsepsiyasi bo‘yicha axborot berildi. Tannarxni 15 foizga qisqartirish, 65 foiz qo‘shilgan qiymat yaratish rejalari ta’kidlandi.
Paxta maydonlarining har gektariga 1 mln so‘mdan subsidiya beriladi
Yerdan paxta hosili uchun foydalanadigan klasterlarga har bir gektar maydonga 1 mln so‘mdan subsidiya ajratiladi. Subsidiyaning 70 foizi 2024-yilda ajratiladi. Hosildorlik oldingi mavsumga nisbatan o‘rtacha 10 foizga oshsa, 2025-yilda pulning qolgan 30 foizi beriladi. Bu haqda prezident qarori chiqdi.
O‘zbekistonda qishloq xo‘jaligi yerlarini ijaraga berish huquqini boshqa shaxslarga o‘tkazishga ruxsat etiladi
O‘zbekistonda qishloq xo‘jaligi yerlari ijarachilari o‘z huquq va majburiyatlarini yer uchastkasidan foydalanish maqsadini o‘zgartirmagan holda boshqa shaxsga o‘tkazishi mumkin bo‘ladi.
O‘zbekistonda qishloq xo‘jaligi yerlari onlayn auksion orqali ijaraga beriladi
O‘zbekistonda qishloq xo‘jaligiga mo‘ljallangan yer uchastkalari endi onlayn auksion orqali 30 yil muddatga ijaraga beriladi.
Eksportchilarni qo‘llab-quvvatlashga ajratilayotgan mablag‘lar samarali ishlatilmayapti — prezident
Prezident Eksport agentligi tarmoq va hudud rahbarlari bilan birga eksportni kreditlashga va eksportchilarni qo‘llab-quvvatlashga ajratilgan mablag‘lardan samarali foydalanishini ta’minlay olmayotganini ta’kidladi. Imtiyozli shartlarda ajratilgan har 1 dollarga o‘rtacha 5 dollarlik eksport to‘g‘ri kelmoqda.
Tuproqning xohishi. Pul va mehnat sarfini kamaytirib, tuproq unumdorligini qanday oshirish mumkin?
Insoniyat tuproqqa ming yillardan beri bir necha bosqichda ishlov beradi: yumshatadi, tekislaydi, kesaklarni maydalaydi, begona o‘tlarni chopadi. Bu ishlar qisqa istiqbolda hosildorlikka ijobiy ta’sir qiladi, biroq suvning isrof bo‘lishi va hatto chang bo‘ronlariga olib keladi. Xo‘sh, buni o‘zgartirish mumkinmi?
Foto: Xorazm sholizorlarida somon terimi
Nukuslik fotosuratchi Azamat Matkarimov ish bilan tez-tez Urganchga boradi. Bu safarlarida u qishloq manzaralari yil davomida qanday o‘zgarishini kuzatadi. Fasllar almashinuvi sholizorlarda ayniqsa yorqin aks etadi. Uning suratlari, masalan, bir lagan palov ortida qancha mehnat yotgani haqida hikoya qiladi.
“Yagona yo‘limiz — hosildorlikni keskin oshirish orqali tannarxni kamaytirish”. Prezident qishloq xo‘jaligini rivojlantirish haqida
Prezident bog‘ va tokzorlarni yiliga kamida bir marta xatlovdan o‘tkazish, samarasiz deb topilsa, yer solig‘idan berilgan imtiyozni bekor qilish haqida ko‘rsatma berdi. Shuningdek, go‘sht, tuxum va sut ishlab chiqaruvchilarni qo‘llab-quvvatlash, kreditlar muddatini oshirish va boshqa vazifalarni belgiladi.
“Klasterlar fermerga qarab o‘tirmasin, dalaga kelib, paxta terib ketaversin” — Shuhrat G‘aniyev
Kun.uz O‘zbekiston prezidenti maslahatchisi Shuhrat G‘aniyev ishtirokidagi yig‘ilishdan lavhani e’lon qildi. U klasterlar fermerlarga qarab o‘tirmasdan paxta terib ketishiga ruxsat berdi, shuningdek, bu jarayonga Ichki ishlar vazirligi va Bosh prokuratura rahbarlarining o‘rinbosarlarini jalb qildi.
Qishloq xo‘jaligidagi suvning 36 foizi tuproqli kanal va ariqlarda yo‘qoladi — prezident
O‘zbekiston qishloq xo‘jaligida yil davomida 39 mlrd kub metr suv iste’mol qilingan. Shundan 36 foizi yoki 14 mlrd kub metri tuproq o‘zanli kanal va ariqlarda yo‘qolgan, dedi prezident. Yana 5−6 mlrd kub metr suv sug‘orishning eskirgan usullari tufayli yo‘qotilmoqda.
Andijonda paxta xirmonida yong‘in sodir bo‘ldi. Vazirlik yong‘inda 12 kg paxta yonganini aytmoqda
Baliqchi tumanida paxta qabul qilish maskanidagi xirmonda yong‘in sodir bo‘ldi. Qishloq xo‘jaligi vazirligi yong‘inda 12 kg paxta yonganini aytmoqda. Lekin voqea aks etgan videoda bir xirmon to‘liq yonib, yong‘in ikkinchi xirmonga ham o‘tganini ko‘rish mumkin.
Ruxsat olish qiyinligi sabab O‘zbekistonda agrodronlardan foydalanish keng tarqalmagan — MHTI
MHTI mutaxassislari O‘zbekistonda agrodronlarni olib kirish va foydalanish uchun ruxsat olish tartibi ancha murakkabligi tufayli ulardan foydalanish keng tarqalmaganini ma’lum qildi. Ular xorij tajribasini inobatga olib, bu bo‘yicha me’yoriy-huquqiy bazani qayta ko‘rib chiqish zarurligini aytgan.
Daraxtlar suvni qaytaradi. O‘zbekiston fermerlari va olimlari iqlim o‘zgarishi oqibatlariga qarshi qanday kurashyapti?
Sharofiddin Musayev har ko‘chatga yiliga atigi 17 litr suv sarflab, Kitobning qovjiragan adirlarida yong‘oqzorlar bunyod etadi. Qachonlardir bu joylar ko‘m-ko‘k o‘rmon edi, ammo aholi daraxtlarni o‘tin qilib yuborgan. Shunga qaramay, namliksiz ham daraxtlarni qaytarish mumkin. Sabina Bakayeva reportaji — shu haqda.
“Jipiriq, shunchalik ham aldaysanmi?” Shuhrat G‘aniyev hokimlarni qo‘shib yozganlik uchun tanqid qildi
Tarmoqlarda prezident maslahatchisi o‘rinbosari Shuhrat G‘aniyev yig‘ilishda hokimlar va suv xo‘jaligi rahbarlarini qo‘shib yozish va sug‘orish ishlari sifatsiz olib borilayotgani uchun tanqid qilgan video tarqaldi. U prokuraturaga Qashqadaryo viloyatining uchta tumani hokimlarini jinoiy javobgarlikka tortishni buyurdi.
YI O‘zbekiston qishloq xo‘jaligi sohasi uchun 27 mln yevro grant ajratadi
Yevropa Ittifoqi O‘zbekiston qishloq xo‘jaligidagi islohotlarga yordam berish maqsadida 27 mln yevro grant ajratadi. Mablag‘lar sohada ilm-fan, ta’lim, axborot xizmatlarini rivojlantirish, iqlim o‘zgarishiga moslashish va oqibatlarini yumshatish kabi tadbirlarini amalga oshirishga yo‘naltiriladi.
“Biznikilarning deyarli bari asalarichi”. Asalarichilar sulolasi asalni qanday yetishtiradi?
Litvinenkolar 63 yildan beri asalarichilik bilan shug‘ullanadi. Ular har yili 300 ta asalari uyasi bilan Toshkent viloyati tog‘laridan Sirdaryo dashtlari tomon “yurish” qiladi. Asalarichilar sulolasi “Gazeta.uz”ga asalarichilik, hosilni yig‘ish va tabiiy asalni to‘g‘ri tanlash sirlari haqida so‘zlab berdi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlarga ega bulish uchun saytda ro‘yxatdan o‘ting